前晚紅館和九展都有歌手開騷，樂壇小天后G.E.M.（鄧紫棋）再度踏上紅館舞台，晒歌藝騷身材，她更三度落淚感謝歌迷。另一邊廂，吳國敬和鄧建明在九展舉行的音樂會則盡現溫情，各自邀請兄弟班Big Four和太極撐場做嘉賓，眾人互窒互寸，充滿歡樂氣氛。
採訪：胡比
一連五場的「G.E.M. X.X.X. Live2013」前晚在紅館開鑼，早前落力減肥的G.E.M.不時俯身晒事業線。演唱會上G.E.M.三度落淚，獻唱《你把我灌醉》不停抹眼淚，事後問她是否因為台灣緋聞男友林宥嘉唱過此歌？她說：「唔關事，Eason、軒仔都有唱過。」之後G.E.M.在台上剖白說：「我經歷過心碎時候，懷疑自己存在價值。」說到此時已眼濕濕。
愛浪子情歌
前晚G.E.M.請來王傑做嘉賓，她說：「我初戀男友話佢係浪子叫我唔好成日搵佢，又send《誰明浪子心》歌詞畀我，同埋逼我做趙學而。」王傑笑言：「你靚好多。」
G.E.M.於接受訪問時指不知林宥嘉何時捧場，朋友的門票交由公司處理，記者笑對方是男朋友，她說：「男朋友中間都有朋友兩個字，佢嚟我會同大家講，同埋我有請甄妮睇，但佢喺美國。」對於被曾合作的VJ投訴舞台背景影像侵權及被指是「香港之恥」，G.E.M.解釋：「總之個copyright屬於我公司，我唔會喺傳媒前同佢嗌交。」
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/