下周二37歲生日的舒淇前晚穿上黃色V領裙到澳門出席活動。近日舒淇傳與緋聞男友馮德倫鬧情變，但前晚見她心情大靚，問今年沒提名的她有否留意今晚舉行的金像獎最佳女主角候選人？她說：「自己冇睇晒所有戲，只係睇咗江若琳《高舉．愛》嗰套，佢做得好好，周迅一向都好犀利，鄭秀文同楊千嬅亦好好，總之個個都可以攞獎。我對獎好淡，可能自己攞過，所以放鬆咗，但好多人要繼續加油。」
愛情靠緣份
問愛情路上是否同樣要加油時，舒淇笑言要靠緣份，又指愛情、感情和獎項都需要天時地利人和，並再三否認和馮德倫的戀情，又說：「講咗好幾年，唔想再講。」她又否認日前缺席劉偉強的生日派對是避見馮德倫，她說：「舊年前年我都冇去，唔好聯想，𠵱家冇人追，但好享受𠵱家咁。」會否歡迎男士追求？她說：「遇到啱嘅人會順其自然，唔會專登去爭取。」
採訪：馬建華
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/