「振山漢子」必然富貴嘅定律被推翻了！陳山聰坐定粒六「嫁」入豪門，點知臨門一腳撻晒Q，同超雲分手後慘變四失男，做唔成何家女婿真係喊都無謂，不如重溫當日陳子聰同何超儀舉行世紀婚禮嘅往事，戥人歡喜都好吖！
超儀同子聰嘅童話式婚禮喺03年11月14日澳洲墨爾本一間私人會所舉行，雙方親戚、陳奕迅、梁漢文、盧巧音等伴郎、伴娘一早飛到當地準備。新娘子超儀着住由Titi Kwan設計、價值約200萬元嘅大露背婚紗，戴上超巨型鑽石頸鏈，同徐濠縈一齊坐馬車出現，十足童話故事咁款。之後子聰同超儀就喺賭王同逾百賓客前見證下，交換結婚戒指同讀誓詞。
夜晚佢哋舉行婚宴，當子聰細佬親述當年嘅兄弟情時，大男人子聰居然喊到收唔到聲，場面感動。婚宴唔少得，就梗係賭王訓示女婿要有三從四德，直至𠵱家，子聰都係咁聽教聽話冇曳曳㗎。
撰文：阿Wow
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/