大美人林青霞與女兒邢嘉倩昨晚於中環出席卡地亞珠寶晚宴，青霞佩戴價值逾二千四百萬珠寶示人，她受訪時笑說：「今日着靚衫、戴靚珠寶參加晚宴，令我有寫作題材。我寫作好辛苦，寫一篇幾日幾夜，要見你哋會食少啲同跑步。」
青霞知道晚會展示一枚價值一億九千萬元的藍鑽：「19年前結婚見過粒類似，嗰時係一百萬美金，我都冇理，依家去到一億。」據知她早前買下鑽石皇冠，問到會否逾億元？她說：「太睇得起我！畀啲女結婚戴，不過啲女唔感興趣，自己60歲戴。」她表示買珠寶不設限，記者笑好老公不設上限，她說：「任花自己，唔係任花老公。」問到如何紀念張國榮逝世10周年？她說：「成日夢見佢。」
採訪：黃曉妍
攝影：仇志德
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/