皇家馬德里教練摩連奴自稱為「特別的人」，果然並非浪得虛名。話說一名曾經喺去夏皇馬季前美國之旅，幫過球隊執頭執尾嘅墨西哥清潔工人洛迪古斯，2月隻身飛西班牙想睇國家打吡，但身無分文又冇波飛，所以去皇馬練習場碰運氣，咁啱摩佬經過仲認得佢；佢請洛迪古斯睇波外，仲邀請佢喺3月頭皇馬作客曼聯嘅歐聯賽事，做裝備總務，等洛迪古斯有個難忘嘅經驗！