朱晨麗最近在佛山拍攝無綫新劇《情逆三世緣》，與好戲之人歐陽震華（Bobby）和關詠荷合作，朱晨麗大讚Bobby風趣幽默，她昨日在長途電話中說：「佢好nice，同佢演戲冇壓力，佢又識製造現場氣氛。」揀男友會否揀Bobby這類型？她笑說：「拍劇對手同揀男友一樣，想有多啲選擇，慢慢揀，睇吓邊樣最適合自己。𠵱家以事業為先，唔想咁快拍拖住。」
最近內地H7N9禽流感疫情令人憂心，朱晨麗在內地拍劇特別帶齊衞生裝備，她說：「有帶私人毛巾、拖鞋、牙刷同消毒藥水，盡量唔好同其他人接觸，其實佛山環境都OK，唔係想像中咁污糟。」她透露無綫有安排餐廳包膳食：「我哋要求少油少鹽，監製仲叫我哋唔好食雞、鴨，只係食魚同菜，大家都小心飲食。」
採訪：丁寧
想睇更多首輪猛片介紹同預告片？《一台戲》為你網羅最新電影介紹及影評↓↓↓↓
http://hk.movies.nextmedia.com/