大美人李嘉欣昨日以愛彼女皇盃大使現身中環的宣傳活動，她與丈夫許晉亨名下的愛駒「一寶」亦會參加當日的其他賽事。問她會否陪同丈夫出席？她笑言：「老公好似返工，囝囝就未必，驚佢俾閃火燈閃親。」嘉欣透露囝囝Jayden十分喜歡馬：「佢見過馬，佢一見到四腳動物表現好興奮，好想摸，佢大個啲畀佢試吓坐馬，同等佢大個啲養馬。」問到她Jayden有否見過「一寶」，她說：「未見過『一寶』真馬，喺電視見到就會手舞足動打氣，好似小馬迷，行為好古怪。」
帶罩赴上海
提到近日的H7N9禽流感，嘉欣表示有帶囝囝返學：「個班好少人，囝囝都有傷風同咳，會好小心，不過唔使停晒學，驚佢喺屋企會好悶，成日都會幫佢用酒精洗手，老公嫌我同佢洗得多，整到手嚡晒，其實佢對手仲好滑。」嘉欣透露三星期後要到上海工作：「就算𠵱家出發都OK，會帶備口罩，如果到時病情好嚴重，當然會取消。」
此外，何傲芝透露有意與朋友一起抽馬，但未有預男友蕭正楠，問到感情生活？她笑言：「都係咁，好開心，同佢了解中。」提到有指其父不喜歡蕭正楠，她說：「爸爸好好，無論工作、交友同拍拖都冇干擾，好支持，蕭正楠都有見過爸爸，不過冇討論對佢乜嘢印象，亦都有因為新聞唔開心，爸爸仲開解我食得鹹魚抵得渴。」
採訪：譚倩宜
攝影：黃文偉
想睇更多首輪猛片介紹同預告片？《一台戲》為你網羅最新電影介紹及影評↓↓↓↓
http://hk.movies.nextmedia.com/