星展香港前董事總經理鍾少權（Derek）本月初跳槽去招行（3968）旗下永隆銀行返工，Derek喺星展嗰陣，睇晒所有分行，去到永隆就要孭起成個零售銀行業務，認真責任重大，雖然係咁，佢堅稱唔會喺星展撬舊部幫手㗎。
Derek話，𠵱家日日不停開會，仲摸索緊新工作係點，雖然同星展嘅舊同事關係好好，但就唔會叫佢哋過檔嘞。原來佢唔係第一次幫中資銀行打工，所以由新加坡背景嘅星展過檔永隆，都冇話唔習慣。
有人來又有人走，市場傳聞，永隆按揭及抵押貸款部主管蔡爾全（Robbie）將會離開。
Robbie以前睇晒按揭同埋私人貸款業務，今年初開始專注按揭一瓣，聞說佢最近遞信，呢個月開始亦好似潛咗水咁，無論點都好，希望佢快啲蒲頭啦。