唐貝詩前晚在中環為時裝活動行騷，穿上低胸裝打頭陣的她，獲父親與媽咪寇鴻萍撐場。寇鴻萍表示時裝店老闆是朋友，故請唐貝詩擔任模特兒。提到女兒近年幫她打理網上生意，寇鴻萍透露稍後會搬更大的寫字樓，又讚女兒：「佢𠵱家好生性，初時佢態度唔好，工作時佢當我係阿媽唔當係老細，試過嗌交嗌到喊晒趕佢走，不過後嚟佢同我道歉。」由於表現佳，寇鴻萍表示會升女兒職做經理。
唐貝詩得知升職大感驚喜，至於之前被拍到與男伴出街，她謂：「唔係男朋友，佢就想，𠵱家想畀心機做嘢，拍拖睇定啲先。」
採訪、攝影：楊潔雯
想睇更多首輪猛片介紹同預告片？《一台戲》為你網羅最新電影介紹及影評↓↓↓↓
http://hk.movies.nextmedia.com/