「You are not even a f××king Chinese」，呢句說話，為無數人帶嚟驚喜，亦令民建聯馬恩國大律師一炮而紅。係呀，八方特別註明佢係大律師，因為馬生對於佢呢個professional，好自豪㗎，否則點會同長毛講「I am a professional」啫；就連佢最近處男下海、參選新一屆民建聯中委，據知亦喺政綱上姓名一欄填上「馬恩國大律師」，慌死人唔記得佢係呢個professional咁。
有口痕友話，馬生可能同長毛舌戰後信心大增，自覺係時候由佢呢個大紅人上位，因此參選中委。查實喺黨內認知度麻麻嘅佢，係劉江華愛將；人走茶涼，有幾多人仲會畀面劉華投佢一票做中委？15號自有分曉。