鄧萃雯（雯女）、丁子高、張晉、陳法蓉、向海嵐、羅霖、Jocelyn等前晚到灣仔出席ARTE周年晚宴，雯女將於月中開始宣傳《金枝慾孽（貳）》，她自言不會計較收視及獎項，亦不能與第一輯比較，她說：「9年前都冇咁多嘢睇同埋咁多娛樂渠道，我入行第一齣劇有60點，𠵱家冇得返轉頭。自己熱愛演戲，收視同獎唔係自己考慮嘅嘢。」
壓力大難演好
雯女早前承認患情緒病，有焦慮及恐慌，對於胡杏兒拍《巾幗梟雄之諜血長天》感到壓力甚大，雯女以過來人身份說：「聽聞佢好緊張，有託胡定欣叫佢唔好緊張，越有壓力越演得唔好，做好功課準備好，埋位就會好，要放低成敗得失，劇好唔好當係唔關自己事，就算唔好，亦都唔好將所有責任孭晒上身，有功唔好自己領，有鑊亦唔好自己孭。」
同場的張晉姍姍來遲，他自爆忙於照顧家中的女人，他笑說：「𠵱家大女識行，細女又成日喊，太太追唔到個大女，所以論盡啲，不過好意外係大女冇呷醋亦都冇扭計，有時見到妹妹沖涼，都叫快啲快啲，自己都想沖埋一份。」
千嬅被禁出街
張晉透露6月會赴泰國拍戲兩個月，坦言不捨得妻女，所以希望妻女能探班，他說：「唔會叫老婆唔做嘢，佢係工作狂，有戲癮，我哋工作上互相支持，除非佢主動話唔做啦。」
此外，楊千嬅早前入院割纖維瘤，丁子高強調只是小病痛，但因現時病菌太勁，所以他不准千嬅出街，他自爆千嬅生丁進諾（Torres）前已得知有此病，當時有想過做完手術先生BB，但因為懷有Torres時太突然，而醫生亦表示不緊急，所以當時沒有做手術。
採訪、攝影：藍文浩
想睇更多首輪猛片介紹同預告片？《一台戲》為你網羅最新電影介紹及影評↓↓↓↓
http://hk.movies.nextmedia.com/