前年喺區議會選舉京士柏選區當選嘅隱形左派梁偉權，因為喺宣傳單張印咗其中52位支持者個名，但原來冇取得人哋書面同意，結果上月底被法庭裁定選舉結果無效，要重新補選。梁偉權噚晚10點幾發出聲明，話噚日已經正式向終審法院提出上訴許可。佢話自己喺宣傳品出版前已經得到嗰52位人士嘅口頭同意，只係因為「嚴重眼疾」等原因，所以睇漏眼，又聲稱呢啲「支持者」之後已經補番書面同意，所以冇涉及誤導或欺騙選民咁話。佢又話自己個選區因為發現種票所以先引起公眾關注，自己當日都有份揭發種票，如果因為行政疏忽而喪失議席，擔心會令好多有志從政之士有顧慮。