想潛水又冇時間去外國，出西貢、大浪西灣或者浪茄又驚天氣唔好？唔使煩啦，海洋公園即將推出「海洋奇觀水肺潛水體驗」，參加者只要潛入水深12米、容水量達520萬公升嘅魚池，就可以同450個品種、近5,000條魚近距離接觸，好似鎚頭鯊、巨型蘇眉同埋鯆魚等，家長仲可以寓教育於娛樂，因為成套餐除咗潛水之外，仲會睇吓魚類繁殖、飼養，以及點樣打理海洋生物棲息環境等。
想玩嘅人，至少要15歲兼且有認可潛水課程嘅開放水域潛水證書，活動盛傳港幣1,900蚊，連海洋公園門票則為港幣2,180蚊。記住呀，活動下個禮拜六（20號）至開始，逢星期六晏晝兩點至五點有得玩，名額有限，先到先得㗎。