首度移師香港、在九龍灣國際展貿中心舉行的第九屆「華鼎獎」電影頒獎禮前晚圓滿結束，謝霆鋒和范冰冰分別稱帝封后，劉德華更上台半跪，將年度成就獎的獎座頒給葉德嫻，場面感人。
葉德嫻在台上大爆曾為華仔出頭跟人爭吵，問到嗌交對象是誰？她說：「唔記得，我日日都同人鬧交。」華仔又說：「佢唔理對像係邊個。」有傳華仔太太朱麗倩跟他家人不咬弦，向來避談家事的華仔說：「呢個不能問，我真係好幸福，大家放心，唔想講咁多家庭嘢，我直情好幸福。」
英皇旗下得獎藝人在頒獎禮後，到跑馬地英皇駿景酒店慶功，成龍、周杰倫、霆鋒、韓星李秉憲、韓佳人、狄波拉和任達華等撐場，緋聞密友張敬軒和關智斌也前後腳到場。周杰倫欲鬼祟入場避傳媒，但卻撞正成龍在門口，被捉着合照。據知李秉憲在場中大受歡迎，大家爭相邀合照，他和韓佳人玩至昨日凌晨3時離開。
秋生加盟英皇
最佳男配角杜汶澤獲獎後沒有大魚大肉慶祝，他竟趕着回家食烚蛋，還把捧蛋照貼Instagram並留言：「回家煮個蛋吃，這是我認為最大的回報，感覺很幸福。」此外，黃秋生前晚宣佈加盟英皇娛樂，現正斟洽演出一部西片。
採訪：文國駿、何慧斯
攝影：陳慧安、陳志嵐、黃偉雄
想睇更多首輪猛片介紹同預告片？《一台戲》為你網羅最新電影介紹及影評↓↓↓↓
http://hk.movies.nextmedia.com/