民建聯日前公佈調查，話六成受訪者擔心佔中影響經濟，七成唔支持佔中。由於調查對象近七成係50歲或以上市民，事後唔少傳媒都搵學者評吓調查係咪唔科學？佔中倡議者之一、做開公共政策研究嘅中大陳健民素有經驗，因此成為唔少傳媒熱選點評嘅學者，連號稱CCTVB嘅無綫都有搵佢㗎，點知最後無綫竟然冇播出佢嘅回應，只係鋪陳民建聯嘅說法，難怪陳健民喺facebook留言，話其實接受咗無綫訪問，解構個調查幾唔掂，點知無綫冇出街。
八方打探後發現，訪問嘅記者有將陳健民評論寫入稿中，可惜去到編輯嗰關被cut。係咪有審查？八方曾致電無綫新聞部查詢，但冇回覆。