港人不相信2017年有「真普選」，正如內地百姓不相信泡過逾萬腐爛惡臭豬屍的黃浦江，「水質符合標準，部份甚至好過去年同期」，更不相信當局已自主研發應付H7N9疫情的新藥。
不相信，是謊言聽多了，還天天有公公宮女們出來大發媚主謬論，加上五毛黨和低級政治打手粗暴阻嚇民意，企圖逼令港人忍氣吞聲硬啃有前設經篩選的「假普選」。
就好像軍閥橫行無法紀可言的年代，那些龜公老鴇出動種種方法，軟硬兼施，把孝女逼入火坑。
龜公道：「你要睇清形勢，唔係你想接乜客就接乜客！」
老鴇道：「哎你咪聽佢噏啦，梗係有得揀啦儍女──我地已經幫你揀好咗，就係阿張大爺嘞。點解要揀個冇權冇勢冇槍炮又冇錢嘅喎？如果真係蠢到咁，硬係要接個自己中意嘅溫心老契咁反常，亦冇得怨，唔好怪事頭嘅反應係點或者後果係點，等陣事頭吩咐我地『打貓不打人』，盞你自己受苦受害，痛都痛死！」又做好做歹呵番：「乖啦，聽話啦，接咗呢個客，我畀定啲花士令過你──眯埋眼忍吓咪得囉，當畀鬼責唧……」