近日立法會財務委員會召開特別會議，議員早前提出數以萬計嘅書面問題，要求政府部門回應，但唔少問題睇到八方滴晒汗，其中首推高登男神范國威同「禮義廉」陳鑑林。
范國威要求政府提供，過去五年本港水塘滿瀉過幾多次，漏出嚟嘅水總值幾多錢嘅數據？呢條堪稱「冷知識」嘅問題，相信睇到嘅水務署職員真係啞咗唔識答，最後惟有回應話「沒有紀錄」，又話漏出嘅水唔係浪費。
陳鑑林仲犀利，要求政府提供過去五年，全港20條主要交通幹道，早上繁忙時間平均車速係幾多。政府提供到有關數字，原來中環畢打街喺早上8點至9點半繁忙時間，平均車速係每小時4.7公里。八方參考一啲資料，平常人每小時約行5公里，真係行路都快過搭車。