熱刺今季靠加里夫巴利擔大旗，但佢喺上周四歐霸盃對巴素利時右腳拗柴，幾乎要收咧，好彩檢查完後話只係缺陣兩場。不過，呢支北倫敦球會靠佢數糊，所以依然要諗方法令到呢位威爾斯國腳，可以盡快復出。佢哋最後決定用幫過迪科爾嘅血漿治療法去醫巴利。球隊最近仲有個好消息，就係養傷8個月嘅卡保奧，已經喺預備組復出。