由狼太唐青儀任贊助人嘅「協青社」，竟然學咗特區政府，為採訪無理設限。話說協青社最近有個採訪邀請，竟然列明記者要喺之前簽署一項有咗7個條件嘅聲明，講明若記者違反相關規定，不但腰斬訪問，仲會「保留一切法律追究權利」，結果八方同幾張報紙都拒絕簽署，杯葛訪問。聽完呢以下條件，相信大家會明白點解八方咁㷫。事關條件除咗列明，採訪時不錄音、不得向被訪者透露任何聯絡方法等；完成採訪後，仲要向協青社嘅公共關係部提供書刊、影音嘅副本，作為該會紀錄。協青社聲稱因為以前被傳媒「跣」，受訪者怕怕，所以要立「惡法」，既然唔信傳媒，何必安排訪問？