愛華頓嘅英格蘭「大的水」國腳左閘巴尼斯真係好窩心。話說有個叫哥頓麥基嘅拖肥球迷，過去5年日以繼夜咁照顧佢生腦癌嘅妻子，可惜太太最終病逝；而佢個囝囝為咗表揚爸爸，提名佢參加愛華頓嘅真人騷Make Their Day。巴尼斯知道後，就專登殺上哥頓屋企，仲送咗自己件波衫同來季球會季票畀對方。麥基話：「呢次絕對係我人生中最大嘅震撼。」