遊行示威常有CID混入人群中做無間道。前日撐碼頭工人遊行，就有示威者發現可疑分子。呢位疑似阿蛇黑黑實實，成個碼頭工人look，煙癮好大，邊遊行邊吞雲吐霧，俾人拍晒片放上網。
拍片人話，呢位阿叔喺好多集會都有蒲頭，前日負責跟蹤遊行隊伍，沿途最少煲咗七支煙。報料有人話，根據警例，便裝或軍裝喺市民面前執行職務，係「不得吸煙」。睇番條片，煲煙阿叔沿途跟住遊行隊尾，又同其他疑似CID有傾有講。但有遊行常客就覺得呢位阿叔幾生面口。八方問過PPRB，片中人究竟係咪警務人員？執行職務期間係咪唔准煲煙？PPRB個回覆係：「警方會了解事件」，相當之helpful！