騰訊（700）旗下微信收唔收錢成為內地熱話，就連博鰲論壇都有一項針對微信收費嘅調查，結果有71%反對收費，騰訊總裁劉熾平噚日重申，騰訊不太可能向微信用戶收費。
電訊商網絡成本高
喺同一場合出現嘅中移動（941）前董事長王建宙就唱反調，指微信的確佔電訊資源過多，雖然微信可以增加用戶嘅數據使用量，但遠遠平衡唔到網絡成本，會令電訊商嘅網絡造成「心跳機制」，增加網絡壓力。
照咁講，王建宙即係贊成收費啦，跑慣江湖嘅王總又點會得罪人呢？佢只係話，呢個問題要大家有商有量，然後拋下金句：「用我們共同的智慧來解決」！