同日本漫畫《蠟筆小新》同名嘅蠟筆小新食品（1262）除咗小朋友市場，宅男市場都唔放過，否則就唔會搵來宅男女神楊冪做新產品代言人啦，之但係，新產品係原味奶同果味奶，楊冪同奶真係咁夾？
代言費300萬人仔
首席財務官葉勇透露，同楊冪簽約兩年，代言費逾300萬人仔，係公司成立13年以來，身價最高嘅代言人。佢哋有諗過搵張曼玉或者奧運金牌得主做代言人，最終希望新產品以時尚形象打入市場，所以搵咗最多90後認識嘅楊冪。
楊冪奶每罐大約5.5元人仔，仲未有得賣，就算賣都係內地限定，本港嘅楊冪粉絲如果想儲番幾包，就要遲啲北上幫襯內地超市喇。或者咁，蠟筆小新之前推出憤怒鳥啫喱，被香港經銷商睇中，香港就快有得賣，宅男不妨食住啫喱消暑先。