中大亞洲多元文化節噚日開幕，頭炮由歌手方大同與中大校長沈祖堯對談。明星駕到，近600個座位嘅演講廳爆滿，反應熱烈過平時上lecture。在場學生問兩位有宗教信仰嘅人，點睇同性戀。
方大同就話，佢信奉嘅巴哈伊教（Baha'i Faith），婚姻係一男一女，但佢哋唔會將自己嘅生活方式強加於別人身上：「我都有同志朋友，我會尊重佢，佢亦都尊重我。」而本身係基督徒嘅中大校長沈祖堯亦答得好小心，佢話，《聖經》都只係接受一男一女嘅婚姻，但基督係唔會拒絕任何人，即使有不同取向，大家都應互相尊重，唔應該有歧視，亦唔應該視同志為異類，應當佢哋如兄弟姐妹。