【致命原因】
超額申請達58倍的青衣綠悠雅苑首日銷情「撻Q」，致命死因乃被樓市氣氛拖累，與去年中房協私樓深水埗喜雅時火熱樓市有天淵之別。準備本周四（11日）揀樓的準買家表示：「已揀30個心儀單位，主要是3座的B、D、E、F單位，如果呢30個單位都畀人揀晒，我唔會買，因為成個屋苑，真係得3座買得落手。」
據房協公佈買家當中，73人為白表家庭，選購兩房及三房為主；14人為綠表家庭，大部份選擇兩房；而10名單身買家中，7人選購兩房單位。尚餘配額891個，白表家庭剩520個，綠表家庭剩282個，單身人士剩89個，對於銷情及甩底客回頭揀樓的安排，房協沒有回覆。
綠悠雅苑於去年12月開始接受申請時，樓市正處於火熱時刻，加上申請門檻提高，吸引不少具備購買私樓能力的人士入表，望以折扣價上車，導致出現大幅超額認購。期後政府不斷出招調控樓市，部份中籤買家經深思熟慮後，可能財力負擔不起；亦有部份中籤客可能同時抽中白表免補地價居屋計劃，最後放棄入市。
銀行未有詳細承按資料
由於綠悠雅苑樓花期長（2015年），就算現時入市後，未有銀行可作按揭安排，就算確定可借樓價九成，利息亦不可能按照目前的低息環境來計算，所以亦是買家考慮因素之一。
有銀行按揭部職員昨日到現場以全城低至2.15厘及優惠利率減3.1厘兜客，經查詢後，職員說：「攞定電話啫！未有實際資料，通常入伙前兩個月先搵銀行造接揭。」中銀香港（2388）及渣打香港均表示會為綠悠雅苑承造按揭，惟未有詳細資料。另一名銀行按揭負責人表示，資助性房屋普遍不讓業主即供，以防買家將單位用作短炒。記者昨亦曾致電房委會綠悠雅苑熱線，負責員工表示即供與否由銀行決定，並非由房委會方面拍板。
新game出爐 ～ 快啲試下自己有無辦法上車啦！
【「樓」年運程小測試】
http://www.tomonews.net/game/hkhousingpolicy/