港大同志生都有機會體驗Speed Dating。呢排有朋友喺網頁分享咗個港大校內電郵，介紹月中喺港大Speed Dating同志crossover異性版，叫啲同學仔如果想認識校內同志朋友，可以報名，名額得20個，要報名就趁手。
負責個活動嘅港大學生發展及資源中心輔導及心理培育總監梁若芊話，港大搞Speed Dating已經四年喇，以前都係以異性為主題，三小時內同十幾個新朋友交談，了解自己又識吓人。今次同志Speed Dating係想擴闊同學的圈子，參加者唔一定係同志，只要表達你想識男仔定女仔就OK。