練乙錚無懼CY出律師信兇佢，繼續逍遙自在月旦時事。佢曾經建議香港電台員工搞番個「佔領港台」一小時運動，用一粒鐘時間喺大氣電波訴說港台員工言論自由受壓嘅情況。呢樣嘢暫時未有人做，但練總噚日就親身走入港台，向20幾位港台員工分享吓佢對最近發生時事嘅睇法。
練總開壇，八方聽聞，謝志峰都有到場「聽書」，但聽到一半就要起身出發去主持《城市論壇》。練總仲搞gag叫佢good luck㖭呀！
個座談會係港台節目製作人員工會幫手搞，練總身體力行，舉起一個由市民創作嘅撐港台紙牌，影番張靚相放上網，支持港台捍衞編輯自由。練總今日就會起行返日本。