羅霖、汪詩詩及其妹汪圓圓、琦琦、馬德鐘太太張筱蘭等人組成的Dirty Club，日前為幫助解決甘肅乾旱問題的「點滴是生命」活動拍攝宣傳照，她們更會於母親節參加步行。單親媽咪的羅霖昨日接受電話訪問時，表示會帶7歲的孻仔參與：「舊年已經帶過細仔去，大嗰兩個仔就忙考試，佢哋平時學校都教佢哋做善事，去老人院做義工，我會叫佢哋捐利是錢幫手。」問羅霖會否帶同母親同行？她表示：「媽咪有骨質疏鬆，唔能夠行太多路，會帶齊三個仔夜晚同佢食飯慶祝母親節。」
另外，任賢齊與王馨平亦有幫手，王馨平除唱大會主題曲外，更帶同夫婿李家輝拍攝宣傳照。
撰文：唐如
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/