賭王三房長女何超雲近日狠撇陳山聰，兩年情玩完，失戀超雲分手後馬上離港飛英國療情傷，山聰失去有米女友做靠山，還要遷出陽明山莊愛巢，有指他要搬回九龍灣麗晶花園居住，女友、事業、形象和金錢統統失卻的山聰頓變四失中年，有傳他曾秘密回娘家無綫𢱑撈。
「情聖角色梗係死啦」
山聰前年為追求超雲，不惜拋低演藝工作專心冧女，去年他有份主演的無綫劇集《天梯》播出，山聰更零宣傳，該劇監製李添勝昨日在新蒲崗出席無綫活動時，仍力撐過氣愛將山聰說：「佢返公司做，我實用佢，大概兩、三個月前喺公司見過佢，叫佢返嚟做就同我單聲。」添哥續說：「嗰時拍《天梯》都已經談戀愛，佢都好頭好尾搞晒先返大陸，佢唔係烏喱單刀嘅人。」
有指山聰形象差，問添哥覺得他能否翻身？添哥說：「情聖角色畀佢梗係死啦，搵啲騎呢角色畀佢就冇問題。有啲角色真係要佢做先好睇，睇《天梯》就知，第二個做未必做到嗰種沙塵、死都要叻，係佢做先特別醒神。」對於山聰欲重返無綫，添哥說：「佢失戀關我鬼事，佢起碼同公司搞番掂份合約，我哋咪用得囉。」
至於超雲連日狂晒失戀血拼收穫，身處倫敦的她昨日在Instagram貼上粟米片早餐，而山聰則繼續人間蒸發。今日是三太陳婉珍和賭王的周年紀念，昨午賭王的座駕出入三房大宅。
採訪：黃曉妍
攝影：仇志德
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/