快艇今季喺太平洋分區表現超班，穩奪隊史第一個分區冠軍；不過，隊中入樽王比歷克格芬，日前走出嚟話唔想咁快掛起分區冠軍旗幟。難得有好事慶祝一番，點解要講埋啲掃興嘢？原來入樽王心高氣傲，話對球隊有更遠大嘅目標；一係唔贏，一贏就要奪得總冠軍！喺佢眼中，太平洋區冠軍唔算得係啲咩。咁大諗頭，快艇季後賽真係要落力啲啦。