「波神」米高佐敦喺賭城拉斯維加斯，搞咗個慈善高球賽，吸引咗一班名人參加；除咗NBA名宿「J博士」艾榮同小馬名將芬尼之外，仲有美國「新水怪」、奧運史上最多獎牌嘅費斯，真係星光熠熠！上周五比賽過後，波神帶同未婚妻耶維蒂，一齊出席晚宴。等陣先，耶維蒂條裙咁熟嘅？MJ戰友「2哥」柏賓老婆拉莎咪有同一條裙囉！唔通佢兩個咁好姊妹，一條裙兩份着？