莫耶斯帶領愛華頓以嚟，球隊成績都算見得人，仲啱啱奪得英超3月最佳領隊。而喺今季結束後約滿嘅佢，由於唔肯同拖肥糖傾續約住，所以引嚟好多歐洲球隊都對佢有興趣；其中最積極嘅，就係德甲球隊史浩克04，希望49歲嘅莫耶斯可以代替季尾離隊嘅教練韋亞。至於愛華頓喺留莫耶斯之餘，亦有兩手準備，如果莫帥真係走人，就會向些路迪領隊連儂招手。