【碼頭風雲】
【本報訊】任憑工作多艱難，一家之主也是兩肩擔，要不是近日碼頭辛酸被揭露，一群硬漢的枕邊人將繼續被蒙在鼓裏。丈夫擔任船上理貨員的李太，平日每周替丈夫清洗從碼頭帶回來的衣物服被鋪，每每好奇為何衣物如此骯髒，到罷工爆發，她才完全了解，昨日更與兒子到碼頭撐老公：「好肉赤，支持佢繼續罷落去。」
碼頭工人有個小秘密，就是休息時千萬不要熟睡，否則隨時和工友「打茄輪」，工人笑言「同工友瞓多過同老婆瞓」。任船邊理貨員的李生，在碼頭工作22年，現獲聘於永豐，其妻昨早帶兒子到碼頭：「平時冇得入嚟，唔知個工作環境係咁，佢差不多一兩個禮拜就拎啲衫呀、被呀返嚟洗，污糟得好緊要，成日問佢平時瞓係邊，佢話淨係瞓地下，𠵱家睇報紙先知個情形係咁，真係好肉赤，唔想佢咁辛苦。」
其8歲的兒子卓峰知道父親苦況，捐出利是錢100元，又買兩盒西餅派給爸爸的同事，全日在現場幫手派發物資：「喺電視見到爸爸，支持爸爸。」
曾工傷休息9個月
李太說全力支持丈夫罷工：「睇到報紙真係嚇左一跳，原來碼頭個地方係咁，見到佢咁辛苦，𠵱家個小朋友話要買呢樣買嗰樣，我都叫佢慳啲，少咗（收入）咪使少啲囉。」
眼見丈夫的同事個個患病，心裏也知道工作危險：「佢啲工友個個都病，有4、5個都生cancer，鼻咽癌、胃癌，飲食唔正常，舊年又走一個，我老公都試過畀貨櫃上面成嚿鐵通跌落嚟，佢戴住安全帽都打爆咗個頭，淨係喺瑪嘉烈都做咗三次手術，唞咗8、9個月，個頭穿咗幾大個窿呀，好心痛，嗰次我真係好想叫佢唔做，但冇辦法，佢做熟咗。」
她說近年物價飛漲，丈夫收入不升反跌，生活捉襟見肘，幸好兒子生性：「自細我就同個仔講，爸爸賺嘅係血汗錢，搵條命博，教佢分清楚有咩係需要，有咩係想要，太奢侈唔好買，佢唔會扭計買㗎，唔會同其他同學比，都好生性。」
醞釀工潮 九倉西餅冧夥計
【急忙補鑊】
繼HIT後，本港另一大貨櫃碼頭營運商、九倉現代貨箱碼頭（MTL），部份工人不滿加班制度及待遇，向資方爭取合理權益，公司獲悉醞釀工潮後急「補鑊」，昨向員工承諾待MTL董事總經理李國東大假結束後，盡快與員工對話，又送上西餅，但會否改善員工待遇卻隻字不提。
MTL的工作環境與HIT同樣惡劣，工人要連續24小時甚至48小時工作，有時要「直踩」頂多一、兩更，薪酬條件與HIT相若。MTL員工透露，部份員工不滿待遇，除呼籲工友捐錢支持HIT罷工工人，也醞釀發起工潮。
MTL即張貼通告，指董事總經理李國東正放大假，假期結束後會盡快與員工對話。通告又列出三個部門主管的聯絡方法，指員工有任何查詢可直接與他們聯絡。另為安撫員工，公司昨向員工發動「西餅攻勢」，請員工食西餅，有員工表明「死都唔食」。
有指HIT為填補外判工人罷工的工作，要求直屬員工加班，向員工送上風褸。
MTL發言人稱無收到工人醞釀發起工潮的消息，指李國東假期已結束，強調李國東一直與員工有恆常的溝通渠道，不時與各階層的員工會面及對話。發言人強調該公司不止聘用三間外判商，但否認成功為其外判商。
《蘋果》記者
蛋糕教室 義賣行動挺工友
【各方支持】
黃色暴雨撲不滅市民撐碼頭工人的熱情。一間西餅教室職員主動發起義賣麵包行動，製作約200多個特色麵包，將義賣麵包賺取的7,105元，全數捐予工友。
Eva與三名友人為一間教授西餅、蛋糕的工作室的員工，眼見近日碼頭工人罷工後手停口停，擔心工人及其家人生活頓失依靠，決定發起義賣麵包行動，自製約200個柑桔朱古力包向身邊朋友義賣。短短一天已有數十朋友認購，金額高達7,105元，更將全數收益捐予碼頭工人。
除熱心市民，在澳門開手袋店的老闆林先生昨亦過江聲援工人，在下午約5時，到深水埗向一直義助基層的北河燒臘飯店明哥購買約250個飯盒。他指自己以前都是打工仔，絕對明白打工仔的心情，又指做老闆要有良心：「打工仔真係付出努力為你做嘢，老闆出糧唔係施捨！」他又稱，連日來工人都以和平方式爭取合理待遇，但資方態度仍然強硬：「唔可以接受，唔係有錢大晒，傾都唔想傾太過絕！」他昨晚將先返澳門，周日若時間許可，會再到香港參與遊行繼續支持工人：「打工仔冇分香港同澳門！」
《蘋果》記者
貨主斥外判無良 加價自肥
【刻薄工人】
工潮持續多日已影響到不少HIT客戶，每月提取數十隻貨櫃的貨主李先生也因罷工行動，導致貨物延遲4、5日才到手，但他絕不介意，力撐工人罷工有理，「外判商太無良啦，年年加我嘅貨櫃處理費，加都唔緊要，你要加薪畀工人呀，原來幾乎冇加過」。他斥HIT引入外判制後，外判商不斷巧立名目收費，亂收客戶錢，最終只是自肥，令人氣憤。
李先生透過HIT接收外國運來的廢棄五金及塑膠，他不滿HIT及其外判商惡行，昨午也來聲援罷工工人，並捐出數百元以示支持。
他見過地面人員將飯盒吊上吊機駕駛艙，但從沒想過工人的工作環境及待遇如此離譜，97年文件及處理費每櫃約2300元，09年升至2850元，現時加至3150元，與工人薪酬加幅不成正比。他續稱，外判商近年增加各式各樣收費，例如交還吉櫃時指客戶弄污貨櫃要收取100至1,000元清潔費。「樣樣罰一千幾百，收埋收埋，工人其實冇受惠，將心比己，工人賺嘅係辛苦錢，都要養妻活兒，人工要加返去合理水平」。
《蘋果》記者