「高主教」高皓正喺facebook勸人咪自瀆，搞出咁大風波，日前仲同記者講話自己患上性沉溺，一星期唔自瀆唔得掂喎！性需要呢家嘢就係人都有，至於強同弱囉喎，就梗係因人而異啦。不過要數出名性慾強嘅藝人，就不得不提識事務者魏駿傑啦！
話說98年，魏駿傑仲同緊三級女星黃祖兒拍拖，但其間唔小心俾人影到佢去滕麗名屋企沖涼，男方例牌否認兩個有景轟，仲誓神劈願㖭，之後為咗轉移視線，又自爆話同黃祖兒分咗手。黃祖兒受盡委屈，梗係爆大鑊啦，勁數舊愛不是，又話魏駿傑性慾特別強，佢話有次魏駿傑想要，佢唔畀，結果嗌大交收場。呢單嘢當然係得啖笑啦，魏駿傑最後都冇同阿滕一齊，07年同張利華註冊結婚，轉吓眼個女Jessica都兩歲幾咯！
撰文：阿Wow
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/