持續抗爭嘅碼頭工人，連日獲不同界別人士到場聲援；就連經民聯嘅梁美芬，都喺噚晚現身。八方現場所見，單拖到場嘅鼠王芬刻意低調，抵埗後靜悄悄同某年輕工友傾偈，唔多想俾人見到咁。
鼠王芬解釋，就係怕驚俾人話到場抽水，所以連助理都冇帶，事前亦冇通知傳媒；原來佢屋企人，包括阿爸同一啲世叔伯，都有喺碼頭做過嘢，所以佢都好想了解呢一代碼頭工人嘅辛酸。
佢話噚日晏晝見到談判唔成，即時決定到場探班，因為預料到呢場工潮仲會搞好耐，咪為工友打吓氣囉。雖然今次兩手揈揈，但佢話會考慮吓捐助物資，仲話和黃都係時候做啲嘢啦，唔通任由事件沒完沒了咩。