向來言行出位的黃夏蕙，雖然已年屆79歲，但仍緊貼潮流，難怪獲網民封為「夏蕙BB」。她近日留意到Gwiyomi這股韓風襲港，昨日即變身可愛美少女戰士大跳Gwiyomi，稍稍練習便可隨着節奏做出連串動作，比𡃁模Cammi更Kawaii呢！
為了cosplay效果盡善盡美，夏蕙BB帶來5個假髮，最後選了鬈曲假髮後說：「呢個夠少女味，喺深圳訂做。」整妝後，她邊聽音樂邊跳舞，動作利落又可愛，難怪她越跳越興奮：「呢隻舞好hit，不過比馬舞難啲，要跟隨節奏，我平時好鍾意跳舞，我係舞女！」
支持罷工事件
黃夏蕙坦言很享受獲封夏蕙BB，她說：「𠵱家出街都有觀眾叫我『夏蕙BB』，令我後生咗至少60年，叫我BB好貼切，我乜都唔識真係好似BB！」
夏蕙BB先後向霸權橫行的D&G及LV挑機，她更力撐碼頭工人罷工事件，她說：「工人係低下階層，靠出賣勞力養家，好辛酸！我會帶麵包同飲品去打氣，希望社會知名人士同特首都關注呢件事。」她更響應網民發起罷買李嘉誠旗下的百佳超巿貨物，並說：「我去惠康同七仔。」
採訪：比華利 攝影：仇志中
髮型、化妝：Kathy L. of Ciao Bella
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/