【藝人食店】
外號「洪爺」的藝人林子善和友人去年在大坑浣紗街以月租8萬元承租一個600方呎地舖經營冰室，開業8個月至今未回本，在接受本報訪問時，他有信心兩年可收支平衡，仲sell呢個區富貴中產多，「大坑呢度啲人幾食得起！」
他表示，香港人對於飲食好肯畀錢，「只要食物質素、服務態度，呢兩樣嘢做得好，就算貴少少，高檔少少都無所謂，尤其是大坑呢度啲人，幾食得起，所以生意都唔錯。」以冰室一碗公仔麵午餐49元，每日要賣54碗才抵銷租金。
對於同區舖租升幅之高，他表示：「而家地產霸權太犀利，所以開頭，和業主簽長約時要求有五至六年……如果同大業主租，佢唔會理你，話加就加，仲加得好犀利，到時裝修成本都未返到。」他又說：「大坑就唔同，呢度啲業主特別有人情味。」