隔牆有耳：
拍賣會　錯體郵票值百萬 - 李八方

蘇黎世亞洲今個月13至14號，喺北角海逸酒店舉行一場郵票、郵政史及錢幣拍賣會，到時會有逾2,000件珍品拍賣，呢次拍賣仲特別呈獻1917年至1930年「英國在華客郵」香港郵集，係歷嚟最頂尖嘅香港郵政史珍藏之一呀。

拍賣會最矚目嘅，莫過於1894年慈禧壽辰紀念玖分銀、中縫漏齒對倒，以及底部漏齒嘅錯體四方連票；呢張對倒漏齒四方連新票舉世無雙，原屬著名集郵家黃明芳先生珍藏，估計今次拍賣價可以高達80萬至100萬。另一枚屬1922年、上面寫上代表樣票（SPECIMEN）英文字樣嘅兩仙綠色郵票，估計拍賣價亦會達13萬至15萬。