社運女神何潔泓Willis早幾日現身葵涌貨櫃碼頭工潮，令碼頭好似開咗朵花咁；本來按Willis嘅「社運癖好」，佢應該每次落去都會着住同一件衫，直至工潮結束為止，即係佢落親碼頭，都應該着GAP嘅衫，但噚日佢趁公眾假期唔使返學再現身碼頭撐工人時，竟然打破慣例換上另一件衫，令唔少人好驚奇。
Willis話，佢之前着去撐工人嗰件衫，由於太多塵嘅緣故，經已由米色變成灰色，百般無奈下惟有換衫。雖然Willis換咗衫，但鮮紅色外套照舊，八方相信，無論Willis有冇換衫都好，佢喺碼頭現場都會係一個亮點，一樣咁受歡迎。