無綫電視劇《仁心解碼II》晚晚熱播，唔少師奶大讚方中信雖然50歲，仲依舊靚仔有型。八方問過有「政界方中信」之稱嘅自由黨立法會議員鍾國斌Felix，有冇捧場睇正版方中信做戲？佢話自己就冇，反而囡囡成日追，仲發現飾演阿Sir嘅黃智賢喺套戲入面叫「鍾國彬」㖭。
Felix有幾似方中信？以下呢個故事可能有答案。話說Felix早年曾經喺一間食肆同方中信相遇，與方中信同行嘅友人驚為天人，話兩個人真係好似，好易搞錯喎。
Felix自己就覺得，似唔似係要睇角度，覺得由側面45度角望就最似嘞！查實民主黨單仲偕早年都俾人話似方中信㗎，但隨住年歲增長，好似越嚟越唔似咯。