「工運如果只有工人同工會吶喊，係唔夠㗎，要各方支持，震撼力同影響力先夠大！」工運老將吳萱人（圖），在火紅的七十年代參與過盲人工場工人佔領中環天星碼頭大罷工，昨日到場鼓勵碼頭工人撐到底。他深信凡是爭取到成果的工潮，一定要得到外界聲援。罷工老手讚揚工人夠硬淨，「佢哋預咗冇份工，都要爭取合理權益嘅心係好重要」。
66歲的吳萱人指，今次工潮與當年盲人工人在天星碼頭靜坐絕食的情況相似，同樣有國際關注、學生撐場，持續超過一星期，也是爭取改善工場惡劣工作環境及要求加薪。那些年，他以青年激進運動成員身份領導工潮，「已故嘅陳毓祥當時仲係學生，佢都有嚟撐場」，結果在各方支援下，資方無辦法再拖下去，成功爭取在大會堂展開勞資談判，最後資方接納工人訴求。「𠵱家撐咗8日，堅持落去一定得！」