隔牆有耳:<br>南韓Style 地底回收企理 - 李八方

隔牆有耳:
南韓Style 地底回收企理 - 李八方

立法會環境事務委員會嘅南韓考察團,噚日多咗位「團友」,佢就係環境局局長黃錦星喇。八方聽聞黃局長噚日同一眾議員考察時好畀心機聽書,就連當地嘅收費垃圾袋都研究一番。

廚餘處理廠、焚化爐呢類厭惡性設施,社區通常都會反對興建,但南韓竟然做到廚餘回收率達80%以上,原來秘訣係唔好改壞名兼眼不見為淨。有份去考察嘅莫乃光喺網誌話,南韓會避免用廚餘處理廠、焚化爐等負面字眼,改為資源回收中心、轉廢為能廠之類,當堂正面晒,最重要係回收貨車直接喺地底「落貨」,居民睇不到、聞不到,自然當佢冇到啦。