今時今日想搵份筍工一啲都唔容易，想搵份全世界最筍嘅工更加係難上加難。好似澳洲旅遊局主辦嘅「全世界最筍的工作」招募，六個月合約、薪酬10萬澳幣，折合約港銀81萬，平均每月逾13萬；又玩又食又有錢收，咁鬼筍，吸引咗全球50萬份申請，競爭6個職位，當中香港有8,000幾人申請，申請人數全球排名12位，喺大中華區仲排第一㖭。
六份筍工中，最多港人應徵嘅係玩樂達人（新南威爾斯），其次係品嚐大師（西澳洲）。想申請要快，呢個月10日截止。詳情瀏覽澳洲旅遊局官方網站 http://www.australia.com/bestjobs。