擁有大學學歷嘅社運女神周澄，原來周身刀㗎。話說碼頭公司呢排急聘保安員，打算萬一清場，要抬走罷工工人嘅時候，都夠人手應付。呢個消息令周澄諗番起，自己都有個保安牌㗎喎，不如響應呼籲，去「揸流攤」應徵，暗中鬆章畀班工友都好，點知佢噚晚攞個牌出嚟睇，先發現原來已經過咗期超過半年。
無啦啦點解會去考保安牌？莫非周澄喜歡制服誘惑？周澄同八方講，係喺07年等緊入中大開學時去考保安牌㗎，因為好想了解吓保安行業嘅狀況，加上佢當時已經係大專學生基層關注組成員，會落區接觸工人，而考呢個牌只係幾百蚊，有咗個牌就可以備不時之需啦！
佢仲話其實好多後生仔都去考㗎，想做物業管理嘅話都會有用。如果由「女神」負責抬走工人，反抗度可能會減低喎。