人走茶涼，想當日胡溫執政時，建制派日日唱好，歌頌到天上有地下無；點知佢哋一落台，建制派即時改捧習李，仲要踩低胡溫㖭。
港區人大代表劉佩瓊繼94年呼籲市民買人民幣後，噚日出席一個活動期間又吹雞，話開完兩會返港後即刻再買人民幣，事關習李呢個新班子，真係識得發展金融喎，然後認親認戚話，總理李克強同埋佢班手下中，好多人都係佢自己喺80年代一齊做研究時代識落㗎，所以真係有金融人才㗎。擦鞋之餘，佢竟然踩前朝話：「溫家寶嗰屆呢，金融發展得麻麻，唔係好掂。」唔知點解胡溫未落台前，劉佩瓊唔公開發表呢番「肺腑之言」？