出售台灣壹傳媒交易告吹後，壹傳媒主席黎智英噚日重返台《蘋》，同台灣壹傳媒主管開會，席間表明「賣了很後悔、也不會再賣了」，又話壹傳媒要盡快將報刊轉型，未來要諗諗點樣將紙媒數位化，將文字轉成影像。
據知肥佬黎重返台灣蘋果日報大樓，冇員工喺場外示威、亦冇人夾道拍掌歡迎。雖然肥佬黎表明唔裁員，但員工反應依然兩極。有員工話唔賣係好事，但亦有員工話肥佬黎當初「拍拍屁股就走人」，失信於員工同讀者，應就此向員工同讀者道歉，亦有員工不滿會面只有半小時兼不設答問。
台蘋工會就肯定肥佬黎嘅誠意，期待佢兌現承諾；肥佬黎噚晚再重申，話對交易案造成同事同讀者五個幾月困擾同不安感到難過，最想講嘅一句係：「對不起，大家辛苦了。」