港交所（388）之前推動上市公司董事會多元化，加入多啲女董事，政府幫佢一把，噚日公佈委任恒生銀行（011）前女大班梁高美懿入局，接替夏佳理，做港交所獨立非執行董事，任期兩年。
接替夏佳理做獨董
梁太舊年退休後，加入第一太平（142）、利豐（494）同新鴻基地產（016）做獨立非執董，今次做港交所非執董，每年酬金60萬，又多一份零用錢使。根據資料披露，梁太本身揸住5,000股港交所，按噚日收市價計，市值66萬。
梁太入局後，港交所董事會只算萬綠叢中一點紅，港交所要推動其他上市公司引入多啲女董事，真係要講句「革命尚未成功」。政府亦再度委任夏理遜、許照中同利子厚做港交所董事，唔通女董事真係咁難搵？