政制及內地事務局前副局長黃靜文（Adeline），鐵定7.1重出江湖。不過，佢唔係重返政府，而係投向廠商會懷抱，接替8月1日離任嘅梁世華做行政總裁。八方聽聞，唔少政壇中人都話廠商會夠晒牙力兼財力，竟然可以招攬到呢位醒目女「入會」。
政圈盛傳政制及內地事務局局長譚志源過去幾次開到聲，叫Adeline繼續做佢副手，但都被請食檸檬；早前有傳平機會招聘主席，都探過Adeline口風，一樣被拒。據知Adeline離開政府後，閒時打吓golf去吓旅行，一直優哉游哉；既然一年冷河期將屆滿，都係時候出山搵吓真銀咯。