facebook前晚突然廣泛流傳一個消息，令到唔少人「熱烈地彈琴熱烈地唱」。究竟乜嘢消息咁犀利？咪就係有傳愛護香港力量召集人陳淨心，話自己因為壓力太大，宣佈退出愛港力，從此退隱不再公開談政事，同淨心粉絲say goodbye。
唔少人開心之餘，亦有啲懷疑，覺得係咪愚人節獻禮嚟㗎？最怕空歡喜一場！殊不知傳聞最終喺24小時內不攻自破，因為淨心BB主動喺fb回應呢條「流料」，表明要佢引退係有條件囉：「打走晒D（啲）漢奸走狗，香港撥亂反正，咁我咪退囉！」好咯，淨心BB繼續留低，換言之，市民繼續有笑料同好戲睇咯。