周秀娜近日瞓身趕拍卓韻芝執導的電影《爆3俏嬌娃》，戲中有連場打戲，娜姐開戲前作地獄式訓練，已弄得周身瘀痕，昨日凌晨她拍攝起飛腳鏡頭，由於要穿六吋高跟鞋，結果落地一刻拗柴，令她慘叫不停。娜姐昨日說：「呢次避無可避，可惜要趕戲，唔可以睇急症，今日晏啲我要睇跌打，好想快啲好。」
內地江蘇衛視的跳水競技節目《星跳水立方》近日請張栢芝和吳建豪玩跳水，有指娜姐已婉拒邀請，未知是否怕巨咪受水壓影響，娜姐對此說：「唔關事，我檔期就唔到，有機會我好想接受挑戰。」
另徐天佑前晚在尖沙嘴出席首映時謂跟娜姐合作拍《爆》片，但戲中他做宅男兼跟娜姐有血緣關係，故沒親熱戲。
採訪：比華利
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/